Distriktet.no

Laurdag den 01.04.2011 var det årsmøte i distriktet.no i Bruksbutikken i Ørsta.

Eldar Høidal vart vald til ordstyrar under årsmøtet, og Roald Solheim vart vald til å føre møteprotokollen. Cecilie Rørstad og Ivar Johansen vart valde til å signere protokollen. Ingen hadde merknader til innkalling eller sakliste.

1. Årsmelding.

Meldinga vart opplesen, drøfta og godteken.

2. Rekneskap.

Kasseraren la fram revisorkontrollert rekneskap for 2009. Årsmøtet godkjende denne. Kasseraren la også fram rekneskap for 2010. Årsmøtet gav det nye styret i fullmakt å vurdere rekneskapen når han er revisorkontrollert.

3. Kontingent.

Årsmøtet vedtok at medlemspengar framleis skal vere 200 kr per år per person.

4. Val.

Valde i styret vart:

Leiar: Petter Vatn (ny). Nestleiar: Cecilie Rørstad (attval). Kasserar: Ivar Johansen (attval). Skrivar/redaktør: Eldar Høidal (attval). Medlem: Marta Heimdal Leirvåg (ny). Medlem: Egil Berg (attval). Varaperson: Roald Solheim (ny).

5. Innkomne forslag.

Framlegg frå styret på ny organisasjonsmodell: Årsmøtet gjorde slikt vedtak om framtidig ny organisasjonsform for distriktet.no: Distriktet.no er ein nasjonal nettverksorganisasjon for distrikta i Norge. Det bør også gjenspegle seg mellom dei tillitsvalde i organisasjonen. Vi skal i tida framover arbeide for å organisere distriktet.no i fire regionavdelingar: Nord, vest, midt og sør. Ein får arbeidsgrupper i kvar region som har merksemd rundt saker som er aktuelle i det enkelte området. Styret i organisasjonen bør då ha minst eitt medlem frå kvar region. Ein kan evt. ha eit arbeidsutval for distriktet.no frå ein region, slik at fysiske møte vert lettare å gjennomføre. Den nye styret arbeider fram til neste årsmøtet for å finne den mest eigna organisasjonsmodellen for distriktet.no. Ny modell vert då teke opp til endeleg handsaming på dette årsmøtet.

6. Uttale frå årsmøtet.

Distriktet.no vil halde fram med å arbeide mot sentralisering og for desentralisering. Vi vil arbeide for at lokalsjukehusa må takast vare på og byggjast ut.

Vi vil jobbe for gode oppvekstmiljø, og for fleire og varierte arbeidsplassar i distrikta.

Vi vil peike på at reiselivsnæringa må få gode arbeidsvilkår, og ser på denne næringa som svært viktig med omsyn til arbeidsplassar no og i framtida. Som ein konsekvens av dette vil vi ta vare på den vakre naturen vår, og vi går sterkt mot unaudsynleg bygging av digre kraftlinjer. Vi er også opptekne av at vilkåra for småfehald må bli betre, slik at kulturlandskapet ikkje gror att. Vi går inn for at all matfiskproduksjon må overførast til landbaserte anlegg snarast råd. Det må bi lettare å få kjøpe gardsbruk eller tomter for dei som vil bu i distrikta. Utdelinga av Distriktsprisen skal halde fram.

Ørsta 01.04.2011

Roald Solheim

referent

Cecilie Rørstad            Ivar johansen

Sign.                            Sign.

 Dei siste 25 åra har kommunane uhindra fått rasere 1150 nærmiljøskular.

Små skular finst ikkje lenger. Livskraftige skular hamnar i kverna. Takten aukar på denne menneskeskapte tsunamien. Ungane betalar største prisen.

Born ned i 5-års alder vert no pålagde lengre og lengre arbeidsreiser til og frå skulen. Daglege bussreiser på 2 timar er ikkje eit unntak, men regelen for mange. Slikt vert gjort mot ungar, som ifylgje Opplæringslova har rett til skule i sitt eige nærmiljø. Born og foreldre blir ope diskriminerte, alt etter kvar dei bur – i landet eller innan kommunen. Barnets beste er krenka grovt. Prisen ungane betalar, er skadd helse, tapt fritid og dårlegare læringsmiljø.

Både statsminister Stoltenberg og kunnskapsminister Halvorsen seier at dei "ikkje vil blande seg bort i nedlegging av nærmiljøskular". Det er trist når regjeringa talar mot betre vitande. For staten grip aktivt inn i kommunane sine reknestykke allereie i dag:

·        ein stimulerer sentraliseringa gjennom måten grunnskulen er finansiert

·        staten betalar storparten av skuleskyssen 

Dermed legg kommunane ned skular det eigentleg er lønsamt å halde oppe.

I mange saker er kostnaden med skuleskyssen tunga på vektskåla. Ordninga fungerer som ei skjult subsidiering av skulenedlegging. Det forklarar kvifor kommunane har "hatt råd til" å fjerne 1150 nærmiljøskular frå kartet. Andre betalar gildet.

Dei lokalsamfunna som tapar, vert tvinga til å velje mellom to diskriminerande tiltak:

·        å måtte godta at kommunen tek frå born, foreldre og lokalsamfunn den lovfesta retten til skule i nærmiljøet – med alle dei konsekvensar det har

·        å måtte søkje privatskule på eit pedagogisk eller religiøst grunnlag, som dei eigentleg ikkje ynskjer